حوار صحفي مع الڪاتبه /إيمان خطاب بقلم الصحافيه / شـهـد سـامـح "بـيـلا" ♡. علي جريدة "" حروف متناثرة "" المؤسسه / إيلين علي
"السلام عليڪم ورحمة ﷲ وبركاته
معاڪِ المحررة : شـهـد سـامـح "بـيـلا" ♡.
"من جريدة حروف متناثره "
هبدأ الحور مع مؤهبة جديدة
اتعرف بيكِ
1-الأسم؟
- إيمان محمد محمد عبد القادر خطاب.
2-السن؟
- ٢٣ سنة.
3-لقبَك؟
- معتقدش إن عندي لقب معين، فيه ناس في حياتي بتديني ألقاب هما شايفنها من وجهة نظرهم لاقية عليا لكني مش بحب الألقاب، أو يعني مش بفضلها، وعموما يعني اللقب الوحيد اللي كنت قبلت بيه فترة هو "زهرة الصبار"
4-الموهبة؟
- القراءة، الكتابة، التصوير، تصميم فيديوهات، تصميم صور، والكتابة بشكل خاص ليها دور مهم في تكوين شخصيتي.
5-المحافظه؟
- الغربية.
6-ممكن تعرّف نفسك فِ بضعة سطور؟
- صعبة دي، بس بشكل عام أنا إيمان، إنسانة عادية جدًا، بحب كل حاجة بسيطة ومش متكلفة، عايشة حياة بسيطة وجميلة مع عيلتي، هما كل حياتي حرفيا، مهما بيحصل بينا من خناقات ومشادات وزعيق إلا إن هما عمري كله، أنا كـ إيمان مش حد بيعرف يعبر عن اللي جواه بسهولة، علشان كده كانت الكتابة ملجأي للتعبير، وأنا شخص بيحب الحياة عموما من منظورها البسيط.
7-متى بدأت في مجال الكتابه؟
- الحقيقة أنا بحب الكتابة من زمان وبدأت فيها من زمان، بس مكنتش فاهمة وقتها إن دي موهبة لازم أثقلها أكتر بالتدرب عليها، علشان كنت صغير يمكن، لكن ومن حوالي أربع سنين تحديدا بدأت أكتب بطريقة منظمة أكتر وبدأت أقرأ أكتر وأثقف نفسي أكتر علشان يكون عندي موسوعة لغوية وثقافية تفيدني في الكتابة
8-منْ أكثر الشخصيات التي واجهتكَ في المجال وتعاملت معها وأثرت بك ومن ساندك منها؟
- الحقيقة متعرضتش لـ ده أصلا، يمكن علشان أنا عايشة في بيئة بسيطة مش متوافر فيها أي سبيل للـ الإحتكاك الثقافي مع حد، زي المكتبات أو ندوات أدبية مثلا!
9-تحدث عن انجازاتَك داخل وخارج المجال؟
- أعتقد إن السؤال ده كبير عليا شوية😂، لكن أعتقد من وجهة نظري إن من إنجازاتي اللي بفتخر بيها إن كملت دراستي، واتخصصت في مجال يفيد موهبتي لما دخلت كلية لغة عربية، وبحاول أنمي من مهاراتي وأستغل الفرص المتاحة لتحقيق أهدافي وده حاولت أنفذه لما أخدت كورس HR، وعموما الحياة لسه فيها إنجازات كتير هتحقق في يوم ... وداخل المجال أكبر إنجاز هو إني شاركت في كتاب "صوت الكتمان" هينزل معرض القاهرة ٢٠٢٤، يمكن بالنسبة للبعض خطوة متأخرّة وغيري عملها وسابقني بكتير إلا إن هي إنجاز كبير ليا أنا وبالنسبالي.
10-هل واجهتَك صعوبات في المجال وكيف تعاملت معها وما هي نصيحتك لمن يريد ان ينضم للمجال؟
- في الواقع مفيش صعوبات بتواجهني، غير لحظات اللي بحس فيها إن دماغي وقفت عن التفكير وحالة العجز التام عن الإستمرارية، ولما بيحصل كده مش بتعامل غير بالهدوء، وبسيب نفسي تاخد فرصتها وراحتها وأحاول أقرأ كتاب لطيف أو اقتباسات لـ كاتب معين، وقتها بحس إن دماغي رجعت تشتغل تاني، وبستمد من خلال قراءتي أفكار كتير أوي فعلاً … ونصيحتي لأي حد حابب يدخل المجال أنه يقرأ ويوسع من مداركه ويكون شخص صاحب حس مرهف بأنه يقرأ ويستشعر علم البلاغة تحديدا.
11-هل الكتابة هواية ام موهبة من وجهت نظرَك وما هي اهتماماتك الاخري؟
- الكتابة موهبة ربّانية، زيها زي أي موهبة الإنسان اتولد بيها، زي الصوت الحلو أو الرسم أو القدرة على تقليد الأصوات مثلا، لكن الموهبة دي لازم نشتغل عليها وننميها، ولو الموهبة قدرناها كويس وأكسبناها إهتمام وتدرب هنكون في حتة تانية بجد.
12-تحدث عن خططَك المستقبلية في مجال الكتابة و من هو الكاتب المثالي بم يتصف ؟
- بأمل إن أعمل كتاب حلو، يكون كتاب مؤثر في كل شخص هيقرأه، ويكون ليه بصمة حلوة عموما … الكاتب المثالي هو اللي بيصل مع القارئ أنه عبّر عن شعور هو مقدرش يعبر عنه.
13-هل تعرف جريدة حروف متناثره؟
- أنا خلاص عرفتها.
14-ماذا تتمنىٰ من الجريدة الفترة القادمة ووجه كلمه للجريده والكتاب؟
- بتمنالكم النجاح والتوفيق والسداد إن شاء الله.
15-شىء من كتاباتَك؟
- في غرفةٍ مظلمة، يبدو عليها آثر الخيبة والخذلان، على جدرانها بقايا أسفٍ وحُزن، عيناكَ لا تشعر بالإرتياح أبدًا عند النظر إليها، ستجدني أنا، قد اتخذت زاوية للجلوس مهزومة منزوعة القُوى، رُبما ترتجف أناملك خوفًا من بشاعة المنظر، فَـ كأنها غرفة في مستشفى مهجورة قد مات بها الكثير من المرضى، ولكن لا عجب، هذه حياة من فقد شغفه تجاه الحياة والأشخاص، فقط لو كان العالم عادلًا بما يكفي ما حدث كل هذا، لكن لا بأس! ثمة ضوء في آخر النفق على بعد عشرة أعوام أو يزيد وسيصبح كل شيء على ما يرام.
•• إيمان_خطاب. ((النص كئيب وسلبي بعض الشيء لكني أحسبه يعبر عن حالة الاكتئاب والعجز اللي ممكن يوصلها أي شخص))
16-ما هي افضل الكيانات التى شجعتكَ فِ الوصول لحلمَك؟
- أنا مكنتش متابعة فكرة الكيانات وكده الحقيقة، وعمري ما دخلت كيان، لكن مؤخرًا من مدة في حدود شهر دخلت كيان اسمه "مُلهم"، والحقيقة أنه جميل جداً، بس مستنياه بكون سبب إن أوصل لحلمي لسه، وبعدها بـ مدة بسيطة دخلت كيان تاني اسمه "الظلام"، وهو كذلك برضو … طبعا اللي أقصد إن الكيانات دي متأخرّة بالنسبة للكتابة بالنسبالي، لكنها ليها دور مقدرش أنكره في التدريب المستمر طول المدة البسيطة اللي أنا كنت فيها معاهم، ومازال القادم أفضل إن شاء الله ♥.
17-اي سؤال تحب تضيفه؟
- شكرا 🌹.
18-كلمة أخيرة نختم بها الحوار الصحفي؟
- أحب أقول إن كل واحد فينا طالما ليه حلم شغال عليه طول الوقت وبيتعب علشانه فهو دون ذرة شك واحدة هيوصله في يوم، وإن مهما كانت الحياة صعبة والظروف أصعب إلا إننا لازم نكون على مستوى عالي من المواجهة علشان نحقق اللي بنتمناه، وربنا كريم ولا يضيع أجر من أحسن عملا.
♡"شڪرًا للموهبة الجميلة الى ڪانت معايا النهارده وأ
دام ﷲ إبداعڪ ومن تقدم وازدها الدئم"♡
♡شكرًا لحضورك معانا♡
تعليقات
إرسال تعليق