حوار صحفي مع الكاتب /محمد خالد

السلام عليكم ورحمه الله وبركاته مع حضرتك الصحفيه حلا المنشاوي من جريدة حروف متناثره تسمحلنا نعمل مع حضرتك حوار صحفي

طبعاً

1-الأسم؟

أ/ محمد خالد

2-السن؟

26 سنة 

3-لقبَك؟ 

مبأيدش الألقاب .. كفاية كاتب أو شاعر دا لوحده لقب

4-الموهبة؟

الحمدلله ملم بكل عناصر الأدب ( شعر العامية _ كتابة الروايات _الاسكريبتات _ القصص القصيرة ) 

+ التصحيح والتدقيق وشرح الورش سواء فى شعر العامية أو الكتابة عمتا وورش التصحيح والأخطاء الاملائية 

+ ديزاينر 

إلى جانب الجزء التعليمي ..

5-المحافظه؟ 

الإسماعيلية

6-ممكن تعرّف نفسك فِ بضعة سطور؟ 

الكاتب / محمد خالد .. من مواليد محافظة الإسماعيلية مدينة الإسماعيلية .. سني 26 سنة .. حاصل على ليسانس فى الآداب وماجستير فى الآداب ..

7-متى بدأت في مجال الكتابه؟ 

منذ المرحلة الابتدائية كنت أكتب بعض الخواطر 

ولكن تطورت منذ 10 سنوات ..

8-منْ أكثر الشخصيات التي واجهتكَ في المجال وتعاملت معها وأثرت بك ومن ساندك منها؟

أمى ثم أمي ثم أمي اولا وبعد كدا يجي شخصيات تانية 

بحب جدا مصطفى ناصر ومأثر فيا بشكل كبير ..

بحب محمد إبراهيم شاعر محترم 

وعلى مستوى الروايات .. دكتورة خولة حمدي 

دكتور محمد طه 

بحب جدا أي حد كان له خير معايا بسيط ..

وفيه شخصيات ساعدتني وبتساعدني زي :

الكاتبة والمصححة / أ / هاجر محمد عرفه 

وشخصيات تانية مش حابب أذكرها عشان بحب أحتفظ بيها لنفسي ..

9-تحدث عن انجازاتَك داخل وخارج المجال؟ 

محمد خالد ..

من مواليد محافظة الإسماعيلية مواليد 1996

شاعر عامي وغنائي .. كاتب روائي 

صدر لي ديوان وحيد بإسم " تمر حنة " في معرض القاهرة الدولي ٢٠٢١ ..

الانجازات العلمية "

_حاصل على ليسانس فى الأداب سنة ٢٠٢٠ .

_حاصل على تمهيدي ماجستير جامعة قناة السويس سنة ٢٠٢١ .

الانجازات العملية "

_صدور أول ديوان باسم تمر حنة معرض القاهرة الدولي ٢٠٢١.

_الحصول على المركز الأول محافظة الإسماعيلية فى شعر العامية مسابقة إبداع مراكز شباب ١ .

_الحصول على المركز الأول جامعة قناة السويس مسابقة جامعة جوت تالنت فى مجال شعر العامية سنة ٢٠١٧ .

_الحصول على المركز الأول مسابقة شعر العامية موضوعها " الفساد .. جامعة قناة السويس سنة ٢٠١٨ .

_الحصول على المركز الأول مسابقة إبداع ٧ على مستوى جامعة قناة السويس .

_الحصول على المركز الأول مسابقة إبداع ٨ على مستوى جامعة قناة السويس .

_الحصول على المركز الأول مسابقة شارك وإكسب جامعة قناة السويس سنة ٢٠١٩ .

_تكريم رئيس جامعة قناة السويس السابق د/ طارق راشد رحمي ك أفضل شاعر عامية أخر ٤ سنوات فى جامعة قناة السويس ..

_تمثيل محافظة الإسماعيلية فى العديد من المؤتمرات والحفلات على مستوى الجمهورية .

_عمل أكثر من ١٥ حفل منفرد بالإسماعيلية 

_عمل أكثر من ١٠ حفلات منفرد جامعة قناة السويس ..

_المشاركة في أكثر من ٢٠ حفلة مجمعة بالقاهرة والإسماعيلية والمحافظات الأخري 

_عمل حفلة مع عامود الانشاد الديني الفنان " على الهلباوي .. 

_العمل فى مجال التصحيح للأخطاء الاملائية لتيم على ناصية الشعر 

_العمل ك مؤسس لتيم على ناصية الشعر 

_العمل ك مدرس لشرح شعر العامية وشرح ورش تصحيح الأخطاء الاملائية في تيم على ناصية الشعر ..

العمل ك محكم في مسابقات بمحافظة القاهرة ومسابقات تابعه لقصر الثقافة ..

دي بعض الإنجازات اللي متذكرها ..

10-هل واجهتَك صعوبات في المجال وكيف تعاملت معها وما هي نصيحتك لمن يريد ان ينضم للمجال؟

مشاكل كتير ..

منها مثلا أول ما بدأت كنت ضعيف فى الكتابة وبتهاجم ومره الجمهور فى مسرح الجامعه هتف ضدي واني مش جدير بكتابة الشعر 

بعدها ب6 شهور كانوا بيكسروا ايديهم من التسقيف لي الحمدلله 

انهاردة انا بقيت واحد من كتير معروفين فى الوسط ودا مفرحني جدا ..

مشاكل تانية _ قابلت ناس كتير مش على مستوى احترام الوسط ودا شيء ميفرحش 

اتمنى الناس تحس بالموهبة الحقيقية ..

وكيف تعاملت معها؟ 

والله انا شغال فى اكتر من مجال مش بس الكتابة 

يعني معايا ماجستير .. وشغال مدرب كرة قدم وعندي لاعيبة فى أندية كبيرى .. شغال ديزاينر وان شاء الله عن قريب دكتور .. 

ناس كتير تشوف دا مش كويس وتشوف ان التركيز فى حاجة واحدة حاجة كويسه وانا معاهم 

لكن اللي مش كويس هو الإحباط وعدم التجريب 

كملوا. وجربوا وحاولوا فى كل الطرق المفتوحه قدامكم فى يوم من الأيام ربنا هيوفق نصيبكم بالمكان اللي تستاهلوه ..

بواجهه مشاكل الوسط إما اني مبديش أهمية

أو بحاول أتصرف باللي يرضيني حتى لو كان اللي قدامي شخص معروف جدا ..

نصيحتي لمن يريد الإنضمام للمجال ؟

بوجهه رسالة لكل المواهب الصاعدة إسعى ومتيأسش أنا أتعرضت لظلم كبير فى الوسط ومع ذلك كملت ومكمل إحنا المستقبل ومش معقول نقتل المستقبل بإيدينا ونسيبها للي بيستنفعوا من وراها .. إسعوا ومتيأسوش بكرة بتاعتنا

11-هل الكتابة هواية ام موهبة من وجهت نظرَك وما هي اهتماماتك الاخري؟

أعتقد إن الموهبه بتكون أفضل بكتير من الهواية لأن كلمة هواية جاية من هوية يعني حاجة بعملها أضيع بيها وقتي وخلاص .. لكن الكتابة مش كدا خالص .. الكتابة تجربة قوية وموهبه يجب إحترامها .. لإن فيه ناس كتير بتهرب من مشاكلها جوا الكتابة .. ف ازاي الكتابة تكون هواية .. ومع ذلك أنا مبفضلش النوع دا اللي هو الهواية لانه مبيكملش فى الكتابة ..

إهتماماتي الأخرى ؟

شغال مدرب كرة قدم ..

بكمل دراستي الحمدلله وان شاء الله شوية وأعمل الدكتوراه .. وقريب بأسس شركة إن شاء الله تكمل على خير ..

12-تحدث عن خططَك المستقبلية في مجال الكتابة و من هو الكاتب المثالي بم يتصف ؟

إن شاء الله اتعلمت كتابة الرواية فى سنتين 

واتعلمت دلوقتي كتابة الاسكريبتات والقصص الصغيرة 

بجهز شغل كبير جاي 

مش بس فى مجال الكتابة .. قريب هتسمعوا عني سمع كويس جدا ..

الكاتب المفضل لدي هو مصطفى ناصر رغم صغر سنه إلا إني إتعلمت منه كتير شاعر بمعنى الكلمة .. 

13-هل تعرف جريدة حروف متناثره؟

أه عارفها طبعا جريدة محترمة وشغلها محترم ..

14-ماذا تتمنىٰ من الجريدة الفترة القادمة ووجه كلمه للجريده والكتاب؟

أتمنى من الجريدة تهتم بالشباب الصاعد لان هما المستقبل القريب ..

وأتمنى من كل كاتب إنه يسعى عشان يسطر إسمه بين الجرائد والمجلات والصحف ويبقى مشهور ..

15-شىء من كتاباتَك؟ 

وانتي بتِعدي اللي باقي 

علميني أسيب حِصار 

صبريني على اللي فاضل 

وإنسبيني من اللي غّار

مش هتفرِق أبقى أبدي 

ولا أعيش من غير دوايا

اللي يفرق بس عندي 

إني أبقى بأهلي بَار

وإنتي عارفه عني ذلك 

مش قضية نبيع معاها 

إبتديت زي انهاردة 

راضي أعيش جوايا نار ..

عارفه أصلًا

كُنت فاكر قلبي فَضي 

بس قلبي طلع له ضافر 

كل مّا أمشي وأقول معاكي 

ألقى نفسي بقيت بعافر ..

مش مجرد وضع صامت 

أو تعافي من إنتشارك

تِفرق ايه من إني أسيبك 

أو أجيلك بس أبارك 

عارفه بردو الوضع زايد ..

عن سكوتك لمّا أجيلك 

شوفت فيكي حاجه صعبة 

قايلة إنه إتهد حيلك 

راضية ليه مُجرد هزيمة 

من ميدان صوره ببريزة 

حتى لما ضحكتي قاصدة

ضحكتك كانت عزيزة ..

حد زيك يبقى راضي 

معتقدش يكون مُسالم 

قولتي عني اني روحك 

كيف تقولي عليا ظالم ..

لمّا جيت وفضلت واقف 

بصتيلي وقولتي لأ ه

قلبي مش محتاج يرُدك 

هو بس إحتاج لزقه 

تنجديني إزاي وإمتى

وإنتي عينك مش معايا 

مش بقول عنك كلامك 

أو لسمح اللّه فدايا 

بس بسمح ليا أرُدك 

يمكن أقدر مّره أشوفك 

هفضل أكدب حتى بَعدك 

خلتيني أعذر ظروفك ..

________

#محمد_خالد

16-ما هي افضل الكيانات التى شجعتكَ فِ الوصول لحلمَك؟ 

تيم على ناصية الشعر .. اللي أنا مؤسس التيم بصراحة شكل التيم بقى حاجة كبيرة ..

17-اي سؤال تحب تضيفه؟ 

شكرا جدا ليكي وللجريدة 

18-كلمة أخيرة نختم بها الحوار الصحفي؟

بشكر ربنا وأحمد فضله على كل اللي وصلتله وبحمد ربنا على وجود أمي واللي بيحبوني حواليا 

وبحمد ربنا على كل اللي جاي باذن الله ..